Məktub Getmir / Gəlmir — 8 Ən Çox Rast Gəlinən Səbəb
Məktub getmir / gəlmir — 8 ən çox rast gəlinən səbəb
Bu məqalə e-mail göndərərkən və ya qəbul edərkən ən çox rast gəlinən problemləri və onları özünüz yoxlaya biləcəyiniz addımları izah edir.
Qeyd: Bəzi hallarda problem təhlükəsizlik filtrindən və ya qarşı tərəfin mail sistemindən qaynaqlana bilər. Əgər aşağıdakı addımlar kömək etmirsə, IT dəstəyə yazın: [email protected]
1 dəqiqəlik mini-checklist
- Junk/Spam qovluğunu yoxladım
- Outbox-da qalmayıb
- Alıcının ünvanı düzgün yazılıb
- Əlavə fayl riskli deyil / çox böyük deyil
- İnternet bağlantısı stabildir
Mündəricat
1) E-mail ünvanı səhv yazılıb
Ən çox rast gəlinən səbəblərdən biridir.
Əlamət: Məktub “göndərildi” görünür, amma cavab gəlmir və ya geri dönüş (bounce) mesajı gəlir.
Yoxlayın:
Yoxlayın:
- Alıcının ünvanında hərf səhvi
- Domen düzgün yazılıb
- Bir neçə alıcı varsa — biri səhv olduqda problem yarana bilər
Nə edin: Ünvanı kontakt siyahısından seçin və “bounce” mesajı varsa IT dəstəyə forward edin.
2) Məktub Outbox / Göndərilməmiş qovluğunda qalıb
Outlook offline rejimi və ya şəbəkə problemi ola bilər.
Əlamət: Məktub Outbox-da qalır və göndərilmir.
Yoxlayın (Outlook):
Yoxlayın (Outlook):
- Send/Receive → Work Offline aktiv deyil ki?
- İnternet bağlantısı stabildir?
- Outlook uzun müddət açıq qalıbsa, yenidən başladın
Nə edin: Outlook-u yenidən açın və Send/Receive (F9) edin.
3) Məktub Spam/Junk/Other qovluğuna düşüb
Məktub gəlib, sadəcə başqa qovluqdadır.
Yoxlayın:
- Junk / Spam qovluğu
- Other / Clutter (əgər mövcuddursa)
- Search ilə göndərənin adı/ünvanı
Nə edin: Tapdıqda “Not Junk / This is not spam” seçin.
4) Attachment bloklanıb və ya filtrə düşüb
Bəzi fayl tipləri təhlükəsizlik səbəbilə avtomatik bloklana bilər.
Çox bloklanan fayllar:
- .exe, .js, .bat, .cmd
- Makro aktiv Office faylları (.docm, .xlsm)
- Şifrəli arxivlər (.zip, .rar) və “password in email”
Nə edin: Faylı PDF formatına çevirin və ya linklə paylaşın. Problem davam edərsə IT-yə yazın.
5) Fayl ölçüsü böyükdür
Böyük fayllar göndərişdə gecikmə və ya bloklanma yarada bilər.
Nə edin:
- Faylı sıxın (ZIP) — şifrəli arxiv tövsiyə olunmur
- Faylı hissələrə bölün
- Linklə paylaşın (cloud storage)
6) İnternet/şəbəkə problemi var
Zəif əlaqə göndəriş və qəbul prosesini poza bilər.
Yoxlayın:
- Digər saytlar açılır?
- VPN qoşulubsa, söndürüb test edin
- Wi-Fi zəifdirsə, başqa şəbəkədə yoxlayın
Nə edin: Outlook-u yenidən başladın və problem davam edərsə IT-yə yazın.
7) Qarşı tərəfin mail sistemi gecikir və ya bloklayır
Problemin səbəbi qarşı tərəfdə ola bilər.
Nə edin:
- Alternativ ünvana göndərməyə çalışın
- “Delivery delayed / bounce” mesajı varsa IT-yə forward edin
8) Hesab məhdudiyyəti / şifrə problemi
Şifrə problemi və ya təhlükəsizlik yoxlaması səbəbilə məhdudiyyət ola bilər.
Əlamət: Şifrə qəbul edilmir, login problemi var, göndəriş dayandırılır.
Nə edin:
Nə edin:
- Şifrəni yenidən daxil edin (Caps Lock, klaviatura dili)
- Problem nə vaxt başladığını qeyd edin və IT-yə yazın
IT dəstəyə müraciət edərkən nə göndərmək lazımdır?
Məsələnin daha tez həll olunması üçün müraciətinizə bunları əlavə edin:
- Problem nədir? (gəlmir / getmir / gecikir)
- Göndərən və alıcının ünvanı
- Tarix və saat (təxmini)
- Xəta mətni (əgər varsa)
- Ekran görüntüsü (Outbox, error və s.)
- “Bounce” və ya “Delivery delayed” varsa — həmin məktubu forward edin
Dəstək: [email protected]
B2B Group LLC | IT Support • [email protected]